ကျွန်တော်ဘဝတစ်စိတ်တစ်ဒေသမှာ ရင်ဆိုင်တွေ့ကြုံခဲ့ရတာလေးတွေ၊ နောင်တော်ညီတော် သူငယ်ချင်းများနဲ့ စစ်သည်အဆင့်အတန်းအားလုံး ထိတွေ့သိမြင်ခံစားခဲ့သမျှလေးတွေကို ပေါင်းစပ်လို့ ရသတစ်ခုအဖြစ် ရစေခြင်းငှာအင်တာနက်စာမျက်နှာလေးပေါ်တင်ပေးလိုက်တာဖြစ်ပါတယ်

Saturday, May 31, 2008

ကွန်တော်တို့ကျောင်းတော် နဲ့ ကျွန်တော်တို့အတန်းလေး

ဒီတစ်ခါတော့ အလှည့်အပြောင်းလေးဖြစ်သွားအောင် ကျွန်တော်တို့အတန်းထဲကသူငယ်ချင်းတွေ အကြောင်း ပြောပြပါဦးမယ်ဗျာ။ ပထမနှစ်မှာ အတန်း ၃ တန်းခွဲထားတယ် ကိုနန္ဒက အခန်း(၁)မှာပေါ့ မြန်မာက ဗိုလ်ကြီးနန္ဒအောင်နဲ့ ဗိုလ်ကြီးစောသိင်္ခ (ကိုယ်ရေးတာဆိုတော့ မြန်မာကထိပ်ကပဲပေါ့..ဟဲဟဲ) ရှေ့ဆုံးခုံက စပြောမယ်.. နယူးဇီလန်က ဗိုလ်မှူးကြီးနဲ့ သူ့မိန်းမ(ယောက်ျားတက်တော့မိန်းမကပါ ပိုက်ဆံပေးပြီး ကျောင်းတက်တာပါ) ကာဇက်စတန်က ဗိုလ်မှူး-၁ ယောက် ဗိုလ်ကြီး-၁ ယောက်။ မဒါဂါးစကား(Madagascar) နိုင်ငံက ဗိုလ် တစ်ယောက်။

ထိုင်းလေတပ်က ဗိုလ်ကြီးမမ-၁ ယောက်။ အယ်ဂျီးရီးယား နိုင်ငံက ဗိုလ်-၁ ယောက် ။ မိုဇမ်ဘိ(က်) (Mozambeak) နိုင်ငံက ဗိုလ်မှူး-၁ ယောက်။ ဗီယက်နမ်က ဗိုလ်လောင်း-၁ယောက်။ မွန်ဂိုလီးယားက ဒုဗိုလ်-၁ယောက်၊ဗိုလ်တစ်ယောက်(အမြဲတမ်းအိပ်ငိုက်တဲ့ ၂ ယောက်လေ..ဟားဟား) ။ပီရူး နိုင်ငံက ဗိုလ်မှူး-၁ ယောက်။ ချီလီနိုင်ငံက ဒု ဗိုလ်မှူးကြီး-၁ ယောက်၊ဗိုလ်ကြီး မမ တစ်ယောက်(တော်တော် ချောတာဗျ.. အရပ်ဝတ်နဲ့ဆိုရင်)။ ကိုလံပီယာ လေတပ်က ဗိုလ်မှူး-၁ ယောက်။ ဗင်နီးဇွဲလားနိုင်ငံက ဗိုလ်မှူး-၁ ယောက်။ အဲဒီ တောင်အမေရိကအဖွဲ့တွေကတော့ စပိန်စကားက အဓိကဘာသာဖြစ်ပါတယ်။ မြောက် ကိုရီးယားက ဗိုလ်မှူး-၁ ယောက်။ ယူကရိန်းနိုင်ငံက ဗိုလ်မှူး-၁ ယောက်(သူက ရှဗ်ချင်ကို အကြောင်းပြောရင် သိပ်သဘောကျတာ) ဇင်ဘာဗွေနိုင်ငံက ဗိုလ်ကြီး-၁ ယောက်။ ဘော့စ်ဝါနာ(Botswana) နိုင်ငံက ဒုဗိုလ်-၂ ယောက်။ ကျွန်တော်တို့တွေ အမြဲသုံးဘာသာစကားက တရုတ်စကား (ဖုထုံးဟွ)ပေါ့။ လုံးဝကို ကိုယ်မသိ သူများလည်းမသိတဲ့ အသုံးအနှုံးဆို Eng လိုပဲ ကစ်ရတာပေါ့ ။

တစ်ခါတစ်ခါဆိုသိပ်ရယ်ရတာ Chin-Glish ချိုင်းဂလိရှ် လိုပြောပစ်လိုက်ကြတာ ဟားဟား အဓိကက အချင်းချင်းနားလည်ဖို့ပဲလေ။ နောက်အခန်း -၂ ခန်း ကျန်သေးတယ် အသေးစိပ်တော့ မဖော်ပြတော့ပါဘူး အဲဒီမှာလည်း အင်ဂိုလာက၊မွန်ဂိုလီးယားက၊ဖိလစ်ပိုင်၊ လာအို၊ကမ္ဘောဒီးယား၊ ယူကရိန်း၊ ဆွီဒင်၊ ဘင်္ဂလားဒေ့ရှ်၊ တန်းဇန်းနီးယား(Tanzania)၊အင်ဒိုနီးရှား အဲဒီနိုင်ငံ တွေက အမျိုးသမီးအရာရှိတွေများတယ်။ ဘာသာဓလေ့တွေအများဆုံး စုပြုံနေတဲ့ နေရာတစ်ခုလို့ပြောနိုင် ပါတယ်။ နိုင်ငံပေါင်း ၆၀ က တပ်မတော်(ကြည်း၊ရေ၊လေ)အမျိုးသား၊အမျိုးသမီး အရာရှိပေါင်း ၁၈၂ ယောက် ကျွန်တော်တို့ကျောင်းကြီးမှာ ပထမနှစ်ကနေ စတုတ္ထနှစ်ထိ တက်ရောက်နေကြပါတယ်။ ဘာမှခွဲခြားမှုမရှိဘူး အားလုံးရင်းရင်နီးနီးနဲ့တကယ်ကိုပျော်စရာကောင်းပါတယ်။ တရုတ်ပြည်တွင်းကျောင်းသား ကျောင်းသူအင်အား ကအများဆုံးပါ။ သူတို့အားလုံး အခြေခံစစ်ပညာသင်ကြားပြီးတာနဲ့ သက်ဆိုင်ရာအထူးပြုဘာသာရပ်တွေကို နှစ်အလိုက်တက်ရောက်နေကြပါတယ်။ သူတို့တော့ အရပ်ဝတ်နဲ့တက်ကြရပါတယ်။ အခြေခံစစ်အင်အားမှာ စာရင်းသွင်းထားပြီး ဘွဲ့ရလို့ တပ်မတော်မှာ ဆက်လက်တာဝန်ထမ်းဆောင်ချင်တဲ့သူတွေက ဆန္ဒပြု အစစ်ဆေး ခံရပါတယ်။ပြီးမှ စစ်ဘက်တက္ကသိုလ်မှာထက်တက်ပေါ့။

ကျွန်တော်တို့ အတန်းပိုင်က ဗိုလ်မှူးကြီးမန့်င် (အမျိုးသမီးပါ)။ အားလုံးက အရာရှိတွေကြည့်ပါပဲ။ခေါ်တော့ လောင်ရှီး( lao shi , 老师) ပေါ့။ သင်္ကြန်တုန်းက ကျောင်းက အခန်းအနားစီစဉ်ပေးတယ်။ ညမှာ ပါတီသဘောမျိုးပေါ့ လာသမျှကျောင်းသားတွေအတွက် ဘီယာ ဝိုင်နဲ့ သစ်သီးမျိုးစုံ တစ်ခြားအမြည်းလည်း free လုပ်ပေးတယ်။ လေးနိုင်ငံပေါင်းပြီးလုပ်ကြတာပါ။ ဘဝမှာ မမေ့ စရာပွဲတစ်ပွဲပါပဲ။လေးနိုင်ငံက မြန်မာ၊ထိုင်း၊လာအိုနဲ့ ကမ္ဘောဒီးယား ပါ။ ဒီလေးနိုင်ငံက ဘာသာစကားပဲ ကွဲသွားတယ် ကျန်တာတွေက တစ်နိုင်ငံထဲပဲလို့ ကျန်နိုင်ငံသားတိုင်းက ပြောကြပါတယ်။ အမှန်တိုင်းပြောရရင် အဲဒီညက မင်းသားဖြစ်သွားတာက ကိုနန္ဒတို့ ၂ ယောက်ပါ။ တကယ်ပါ တိုက်ပုံ စတစ်ဖြူ ပုဆိုး (ကျောင်းရောက် ကတည်းက အခွင့်မသာလို့လေ) ဝတ်ပြီး တက်လိုက်တာ အိုး..ပြောမနေနဲ့ (ကျန်-၃ နိုင်ငံကဘောင်းဘီ တီရှပ် မရိုးသော နေ့စဉ်ဝတ်နဲ့ကိုး) လူတိုင်းက ဓါတ်ပုံပဲ အတင်းတွဲရိုက်ကြပါတော့တယ် သီးသန့်ပုံလေးတွေရိုက် အတွဲလိုက်ရိုက်နဲ့ ဟိုလူကဆွဲခေါ်သွား ဒီလူကဆွဲခေါ်သွားနဲ့ဗျာ ... အိုး နီမန်းကျင်းထျန်း ကျန်းတ ဟန်ရွှိုက်..တဲ့ ဒီနေ့မင်းတို့ ၂ ယေက် တကယ်ခန့်ချော..တဲ့ (ဟီးဟီး အရင်နေ့တွေက မမိုက်ဘူးပေါ့နော်..) အတန်းထဲမှာ နိုင်ငံတကာအကတွေအကြောင်းပြောကြတော့ ယူကရိန်းနဲ့ချီလီ က အရှေ့တောင်အာရှအကတွေက ပျင်းစရာ နဲနဲမကောင်းဘူးလားဆိုတော့ ထိုင်းကမမကြီးက အိုးကစ်ပါတော့တယ် ငါတို့အကတွေက အရမ်းယဉ်ကျေး သိမ်မွေ့တာ နူးညံ့စေတာ မင်းတို့လို လူမပင်ပန်းဘူးလာညာနဲ့ ကြာတော့ ဟိုကအလျှော့ပေးရပါတယ်။ မပေးလို့လည်းမရဘူးသူက အတန်းထဲကအကြီးတွေကို နိုင်တယ်။ တစ်ခါတစ်ခါကလေးပဲ။

ကျွန်တော်တို့မြန်မာ-၂ကောင်မှာ ပါရာစီတမောလ်နဲ့ ဘာမီတွန် လောက်တောင် ၂ ကဒ်စီလားပါလာတာ။ တကယ်တမ်းဖျားဟဲ့နာဟဲ့ဆို ဆေးတိုက် ကော်ဖီတိုက်တာက ထိုင်း က မမကြီးပါ။ စာမေးပွဲနီးရင် အခန်းကို ခနခနတက်လာကြည့်တယ် စာကျက်ဘဲ ကွန်ပျူတာရှေ့ရောက်နေလို့ကတော့ ချက်ချင်းကွန်ပျူတာပိတ်ပဲ။ နွားနို့ဗူးတွေ လာလာပေးပါတယ်။ ခေါ်တာကိုက ဝေါ်တ တိတိ.. ကျွန်တော်တို့ကို သူ့မောင်လေးတွေလို့ အမြဲပြောလေ့ရှိပါတယ်။ ရွှေတိဂုံကိုရောက်ဖူးတယ်။ ကျိုက်ထီးရိုးဘုရားကြီးကို သူလာဖို့ကျိုးစားဦးမယ်လို့ အမြဲအားတက်သရောပြောတတ်ပါတယ်။ မြန်မာစကား တစ်လုံး နှစ်လုံးသိပါတယ်။ ကျွန်တော်ကလည်း တာချီလိတ် နယ်စပ်ဘက်မှာစခန်းထိုင်ခဲ့ရတုန်းက မတောက်တစ်ခေါက် ယိုးဒယားစကားလေး လေ့လားထား ခဲ့တာ ပြောတော့ဟုတ်နေတာပဲ။ Presentation powerpoint ပြလိုက်ပြီးတဲ့နောက်ပိုင်း ရောက်အောင်လာကို လာမယ်ဆိုသူတွေတော်တော်များပါတယ်။ မြန်မာအကြောင်းထည့်ပြောတော့လား... ဦးသန့် ကိုသိတဲ့သူအများ အပြားတွေ့ရပါတယ်။ အင်းလေး လှေလှော်တာရယ်။ မန္တလေးခြင်းအလှ နဲ့ နန်းမြို့ရိုး နန်းတော်။ ပုဂံက ရှေးဟောင်းဘုရားအရေအတွက်(လှည်းဝန်ရိုးသံတညံညံ)။ အံ့ချီးမကုန်ရွှေတိဂုံ။ကျိုက်ထီးရိုးဘုရားကြီး အကြောင်းကို ဥပမာသေချာပေးပြောပြတော့ တော်တော်အံ့သြကြတယ်။ အစုံပါပဲကျွန်တော်လည်း မြန်မာ့ အမှတ်အသားရိုးရာအမွေအနှစ်စုံပေါ့။ တစ်ယောက်နဲ့တစ်ယေက်နှုတ်ဆက်ရင် တစ်ခါတစ်ခါ အဲဒီသူရဲ့ ဘာသာစကားကိုပြောပြီးနှုတ်ဆက်ကြတယ်။ အခုဆိုအားလုံးက ကိုနန္ဒတို့ကို မင်္ဂလာပါ ဆိုပြီး ပြောကြပါတယ်။
အီးလိုက ဟဲလို၊ တရုတ်လိုက နီးဟောင်၊ စပိတ်လိုက အိုးလာ၊ ထိုင်းက ဆဝါဒီခ (ခပ်)၊ အများကြီးပါပဲ။

ဖျားလို့နာလို့ အတန်းမတက်နိုင်ဘူးဆိုတာနဲ့ အဲဒီနေ့ကျတဲ့ မော်နီတာကနေ ထမင်းစားအပြီး တစ်နေရာရာမှာ စုပြီး အဲဒီဖျားတဲ့သူအခန်းကို ကိုယ်စီ လူမမာမေးတဲ့ ပစ္စည်းလေးတွေနဲ့ သွားကြပါတယ်။ မွေးနေ့ဆိုကောင်းတယ် ကျောင်းဝင်လွှာနဲ့ ပတ်စ်ပို့ထဲက မွေးနေ့ကို ကျောင်းသားရေးရာဌာနက မှတ်ထားပြီး မီးဖိုကြီး စားဖိုဆောင်ကို စာရင်းပေးထားပါတယ်။ အဲဒီသူရဲ့မွေးနေ့ ညစာစားချိန် ထမင်းစားခန်းမှာ မွေးနေ့ကိတ်ကြီးတင်ထားပေး ပြီးသားပါ။ ဒုတိယထပ်မှာ အဲဒီလိုပါတီပွဲတွေလုပ်ဖို့ သီးသန့် ဟောလ်ခန်းထားပေးထားပါတယ်။ ကိတ်မုန့်ကြီး ကို free ဖုတ်ပေးတာပါ။ အသက်နဲ့ကွက်တိ ဖယောင်းတိုင်လေးတွေ ခွက်လေးတွေပါအပြီး ထည့်ပေးပြီးသား မိုက်တယ်နော် အနော်တို့ကျောင်းက ။ ကျွန်တော်တို့ကိုလား ဂရုတစိုက်နဲ့မေးကြတာပေါ့ဗျာ အားလုံးသိကြတဲ့ အတိုင်းပဲ နာဂစ် က နာကျင်ပူဆွေး ရင်တွင်းကျန်ရစ် ဒဏ်ဖြစ်စေခဲ့တာကိုး (ကျန်ရစ်စေတဲ့ ဒဏ်ဆိုတာကတော့ လူတန်းအားလုံးရဲ့ ခံစားချက်အားလုံး မတူညီသည်ဖြစ်စေတူညီသည်ဖြစ်စေ ကျွန်တော် ရည်ညွှန်းဖွဲ့ဆို ကိုယ်စားပြုလိုက်တာပါ) မင်းအိမ်ရော ဘယ်လိုလဲ မိဘဆွေမျိုး အပေါင်းသင်းရောင်းရင်းတွေရော.. ဘာဖြစ်ကြသေးလဲ ငါတို့ တကယ်စိထိခိုက်ကြေကွဲကြရပါကြောင်း သင်္ကေတပစ္စည်းလေးတွေ ပေးလို့ပေါ့ဗျာ....

0 comments: