အပေါ်မီး အောက်မီး မုန့်ပူတင်းများ

ခေါင်းစဉ်လေးကို တွေ့ပြီး စားစရာအကြောင်း ရေးတယ် မထင်လိုက်ပါနဲ့။ ကျွန်တော်တို့ အရာရှိများဘဝ နေရ ထိုင်ရ အခြေအနေလေးတွေကို ခိုင်းနှိုင်းတင်စား လိုက်တာပါ။ တပ်ရင်းမှူးတစ်ယောက် ပြောခဲ့တာပါ။ အဲဒီစကားလေးက။ ဒို့ဘဝက အပေါ်မီးအောက်မီး မုန့်နဲ့ အတူတူပဲတဲ့။ မုန့်ပူတင်းပေါ့ကွာ..တဲ့။ အထက်က တာဝန်ဝတ္တရား လုပ်ဆောင်ရတဲ့ ရည်မှန်းချက်တာဝန်တွေက အပေါ်ကမီး၊ အောက်က တပည့်ငယ်သားတွေက အောက်ကပူ အောင်ပေးတဲ့မီး...တဲ့။

ဟုတ်ပါတယ်။ တကယ်ကိုမလွယ်ပါဘူး။ အခုကျွန်တော်ရေးသားတင်ပြမှာကလည်း အထူးသဖြင့်တော့ ခြေလျင်ခြေမြန်တပ်တွေက အကြောင်းကိုပါ။ ယူနီဖောင်းအစိမ်းဝတ်ပေါ့၊ ဘာလို့အဲဒီလို ပြောရတာလဲဆိုတော့ အစိမ်းထဲမှာမှ လက်ရုံးတပ်ဖွဲ့ဌာနကြီးတွေ အများကြီးရှိသေးတယ်။ဒါကျတော့ ကိုယ်တိုင် မသိတော့ဘူး။ တူတော့တူတယ်လေ။ အဝတ်စား ဘာညာ။ ဖြန့်ဝေမှု အုပ်ချုပ်မှုစံလေးတွေက ကွဲသွားတယ်ဗျ။ အားလုံးသိပြီးတဲ့အတိုင်းပဲ။ တပ်မတော်က အဓိက ခက်မကြီး ၃ ဖြာမှာ Navy နဲ့ Airforce ပေါ့။ ယူနီဖောင်းပါ ကွဲသွားသလို သူတို့ဆီက စံလေးတွေ ခွဲဝေအုပ်ချုပ်မှု အုပ်ခွဲ၊ဌာနခွဲ၊အုပ်စု စတာတွေထပ်စိတ်ပိုင်းပြီး အသီးသီး တာဝန်ထမ်းဆောင်ကြရပါတယ်။ အဲဒီက အကြောင်းတွေဆိုဝေးရောပဲ သိလားမေး တကယ်ကိုမသိနိုင်တော့ ပါဘူး။ အနော့်အဖေကတပ်ထဲကမို့လို့ သူငယ်ချင်းက တပ်ထဲက၊ ခနခနရောက်ဖူးနေလို့ တပ်အကြောင်းသိ နောကိုကျေနေတာပဲ ဆိုတာ အပေါ်ယံပါဗျာ။ ကျွန်တော်တို့ကိုယ်တိုင်တောင် ရေနဲ့လေက အဓိတာဝန်ခွဲဝေမှု အဆင့်ဆင့်အမိန့်အဏာတည်မှုပုံစံတွေ အခြေခံကျောရိုးလောက်ပဲသိထားသင်ထားကြရလို့ပါ။ ဒါတောင် ကျောင်းတော်ကြီးမှာ အတူနေတစ်ခန်းထဲကောင်တွေ ရေ တို့ လေတို့ ရောက်သွား သူ့လုပ်ရတဲ့အလုပ်တာဝန် လုပ်ကိုင်နိုင်မှု အုပ်ချုပ်မှု ဘာမှကိုယ်နဲ့မတူတော့တာလေ။ ဘယ်သိမလဲနော်။ ပြောတာတော့လွယ်တာပေါ့။

ဗိုလ်ကြီးဘယ်သူ အဘခေါ်နေတယ်...ဆိုတာနဲ့ အေးလာပြီ။ ယူနီဖောင်းက half dress ဖြစ်နေတော့အပြည့်အစုံ ပြန်ဝတ်၊ချွတ်ထားတဲ့ဖိနပ်ပါစီးတော့ နဲနဲကြာသွားတယ်။ ဟိုရောက်တော့ မင်းကငါခေါ်နေတာ မသိဘူးလား ဟုတ်သိပါတယ် အဘ။ အဲဒါချက်ချင်းလာပါ့လား။ ဟုတ်ကျွန်တော် ယူနီဖောင်းအပြည့်အစုံဝတ်နေလို့ပါ။ ရမလားကွ ငါခေါ်နေတာ မင်းဟာမင်း အတိုနဲ့လည်း ချက်ချင်းပြေးလာပေါ့။ မာန်မဲဆူဆဲပေါ့။ မှတ်ထားရမယ်။ နောက်သူခေါ်ရင် ချက်ချင်းပြေး။ ဒါပဲ။ နောက် တပ်ရင်းမှူးနဲ့ အဘကလာခဲ့ပါဦးတဲ့ ဆိုတာနဲ့ ရှိတဲ့အဝတ်နဲ့ ချက်ချင်းပြေးတာပေါ့ ဟောဟဲကိုဆိုက်လို့ ဟိုရောက်တော့ ကျွန်တော်ရောက်ပါပြီး အဘ ပေါ့။ အောင်မာ ခွေးသားမင်းက ငါခေါ်တာကို ယူနီဖောင်းက ဖြစ်သလိုဝတ်လာတယ်။ မင်းထက်အငယ်မှတ်နေလား သွား အခု ချက်ချင်းပြန်ဝတ်၊ ငါခေါ်ရင်အပြည့်အစုံနဲ့လာကြားလား.... ဟုတ်ကဲ့ပါအဘ ပေါ့။ ဒီလိုလေးတွေ။ တပ်တွေမှာ ဖုန်းတွေဘာတွေလိုလို့ ကိုယ်ကအနီးမှာရှိလို့ ဖုန်းကိုင်လိုက်တယ်။ ဟဲလိုဟုတ်ကဲ့ ခလရ.....ကပါပေါ့။ အဲဒီမှာ စပြီဟိုဘက်ကနေ အထက်ဌာနဖြစ်တော့ ဖုန်းကိုင်တာဘယ်သူလဲကွာ ..အမ် ဟုတ်ကဲ့ ဒုဗိုလ်၊ ဗိုလ် ၊ ဗိုလ်ကြီး ဘယ်သူပါ ပေါ့။ အေးနောက်တစ်ခါ ဒီကခေါ်တာနဲ့ တပ်ပြောပြီး ကျွန်တော် ဗိုလ် ဘယ်သူဆိုတာပါ တခါတည်း ထည့်ပြော ကြားလားတဲ့... ကဲ ဟိုဘက်က ဘယ်သူမှန်းကိုမသိဘူး။ တိုင်း ဘယ်ဌာနက ၊ တပ်မ ဘာဌာနကတဲ့။

တစ်ခါတစ်လေ အဘခေါ်တယ် ဆိုလို့သွား လမ်းမှာ ဒုတပ်ရင်းမှူးခေါ်တာမကြားမိလိုက်ဘူး။ နောက်တော့ အဲဒီ ဒုတိယအဘလေးက မင်းကငါခေါ်တာတောင် သောက်ဂရုမစိုက်ဘူး ။ ဘာလဲ တပ်ရင်းမှူးနဲ့ပိုင်တယ်ဆိုပြီး ငါ့ကို ဒါပဲ ပေါ့ အဲဒီလိုလား မင်းက ...တဲ့ ။ စနေက တပ်တွင်းသန့်ရှင်းရေး fatigue ကရှိလို့ အားတဲ့ တနင်္ဂနွေလေး ရိပ်သာမှာ စုပြီး (မီးရှိတဲ့တပ်တွေ)သီချင်းနားထောင်၊အခွေကြည့် မြို့နဲ့နီးတဲ့တပ်တွေကတော့အပြင်သွားဖို့လုပ် နှပ်မယ်ရှိသေး။ လာပြီ ဒီနေ့တာဝန်မှူး ကျတယ် ဆိုပြီး ဝတ်ပေဦးတော့ ယူနီဖောင်း နဲ့ သွားစေ ရုံးမှာ အသင့်။ တစ်ချို့ကျလည်း အရာရှိတစ်ယောက် တိုင်း/တပ်မက ခိုင်းထားတဲ့ ကားချပ်တွေ ဒီနေ့အရောက်လာပို့ပါ ဆိုလို့ အပြင်သွားမယ့်အရေး ပါယ်ပြီး လစ်ရပါတယ်။ ဆိုင်ကယ်အဆင်ပြေတဲ့ဒေသက ဆိုင်ကယ်ပေါ့။ လိုင်းကားပဲ အဆင်ပြေ အရပ်ဝတ်-၁ နဲ့ လိုက်။ ကျွန်တော်တောင် စစ်မန်းဧရာ တို့ ဇေယျာမန်းတို့ တွယ်စီးပြီး စစ်ကိုင်းထိ ဒိုးခဲ့ရသေးတာ။ အထက်အရာရှိကြီးတွေတပ်စစ်လာလို့ကတော့ နားဖို့မစဉ်းစားလေနဲ့ အဘတို့ အဘလေးတို့ ခိုင်းတာအပြင် ကိုယ့်စစ်သည်တွေနဲ့ လူတာတွေလိုက်လုပ်ရတယ်။ စာရေးတွေနဲ့ပါညည နှစ်ပါးသွားဝင်ကပေး ရတယ်။ ကွန်ပျူတာဝင်ရိုက်၊ ကားချပ်တွေ ဇယားတွေဝင်ဆွဲပေါ့။ မြို့ထဲကိုမိတ္တူပြေးဆွဲရတာတို့ ဟော မိုင်းခတ် ဘက်ကတပ်လိုမျိုးကျဘယ်မှာတုန်း မိတ္တူဆွဲဖို့ လျှပ်စစ်မီး။ တောထဲကတပ်တွေလဲဒီလိုပဲ။

ညနေခြင်းခတ်ဘောလုံးကန်ပြီး ပြန်လာမောမောနဲ့ ရိပ်သာမှ ပြသနာကရောက်နေပြီ လိုင်းထဲမှာ ဆရာဘယ်သူ မူးပြီးသူ့မိန်းမကိုရိုက်နေလို့ ဆိုပြီး ဆရာကြီးတွေက လာသတင်းပို့တယ်။ ဘာဆက်လုပ်ရမလဲလို့ပါ။ ကဲ သွားကွာ ညီလေးဘယ်သူ လိုက်သွား ဟိုရောက်တော့ မိန်းမ ခမျာ ငိုယိုပြီး လုပ်ပါဦးဗိုလ်ကြီး ဗိုလ်မှူးတို့ရဲ့ ကျမကတော့ အဘသွားတိုင်မှာ ...ဟာ နေနေ ဘယ်နှယ့် ဟိုက လူကြီး၊ အခုငါတို့လာပြီနော်မငိုနဲ့တော့ ။ကြည့်စမ်းကိုယ့် မိန်းမကိုများရိုက်ပုတ်ထားတာ ဆရာကြီး ခေါ်ခဲ့ အဲဒီကောင် လာစမ်း ဟင်း ဝင်အချုပ်ခန်းသို့မြန်းစေ။ သွား ညမှ အဘကိုသတင်းပို့မယ်။ မနက်မျက်နှာသစ်မလို့ ရှိသေး ။ အေး ရှေ့ကဘယ်သူလဲ ဆိုတော့ ဗိုလ်ကြီး ကျွန်မပါ ဆရာဘယ်သူ့မိန်းမပါ။ ငိုမဲ့မဲ့နဲ့ ဒီနေ့ ကလေးတွေနဲ့ အိမ်ဖို့ လိုတာလေးတွေ သွားဝယ်မလို့ အဲဒါ ကိုအဝှာနဲ့ ဟိုနေ့ကတည်းကပြောပြီးသား။ အခုသူ့ကိုအချုပ်ကပြန်ထုတ်ပေးပါလား။ ကျွန်မသူပါမှဖြစ်မှာမို့လို့ပါတဲ့။ ကဲ အဲလိုပါဆိုနေ မနေ့ကတော့ ဒီယောက်ျားကိုသူပဲဇွတ်။ အခုကျ မိုးတောင်မလင်းသေးဘူးသူ့ယောက်ျားကို ထုတ်ပေးပါတော့တဲ့။ ခမျာ မနေ့က ထမင်းမစားရရှာဘူးဆိုဘဲ။ ဘယ်စားနိုင်မလဲ ဒီလောက်မူးနေတာကိုး။ တစ်ခါတစ်လေ ဆိုင်ကယ်ဆီဖိုးတောင်မရှိ။ လ္ဘရည်ဖိုးတောင်အနိုင်နိုင် တပည့်များက ဗိုလ်ကြီး တပည့်ကို ပိုက်ဆံ....လောက်ထုတ်ပေးလား လခထဲကဖြတ်ပေးပါ တပည့် ဝယ်စရာအသုံးလိုနေလို့ပါ တဲ့။ ကိုယ်တောင် အဝတ်အစား ဆယ်တန်းလောက်က ဂျင်းပန်တို့ အမေဝယ်ပေးတဲ့ အင်္ကျီလေးတွေနဲ့ ချစ်သူမွေးနေ့ပေးတဲ့ တီရှပ်လေးတွေလောက်ရှိတာကို။ ဗိုလ်ကြီး တပည့်သင်တန်းသွားမှာမို့လို့ အဝတ်အစားတစ်စုံလောက်တော့ ပေးဦး ..ဆိုတာလည်းရှိသေး။

အေးဆေးနေလို့ကောင်းနေပြီဆိုရင် စပြီ ဗိုလ်ကြီးဘယ်သူ ဘာသင်တန်းရွေးလိုက်ပြီ လို့ကြေးနန်းဝင်လာတယ်။ အဲဒါ ဘယ်နှစ်ရက်နေ့အရောက် ရန်ကုန် မန္တလေး ပြင်ဦးလွင် ဗထူး သံတောင် တိုင်းရှိရာမြို့တစ်ခုခု စသဖြင့် သတင်းပို့ရမယ်..ဆိုရင်တော့ ပြင်တော့သံသေတ္တာတို့ suitcase တို့ trunk တို့ပြင်ဆင်ထုတ်ပိုး အိမ်တွေကို ဖုန်းရအောင်ဆက် ပိုက်ဆံတွေမှာ ဝေးတဲ့ဒေသတွေကတော့ တပ်ရေးဗိုလ်ကြီးတွေဆီအပူကပ်ကြတာပေါ့။ ယာဉ်တန်းအကြုံ တပ်အကြုံ(ဒါကရှေ့တန်းရောက်နေခဲ့ရင်)စောင့်ရတဲ့ဒေသတွေကဒုနဲ့ဒေး။ လေယာဉ်နဲ့မှာ သွားလို့ဖြစ်တဲ့ဒေသတွေဆို ကုန်စေသတည်း လေယာဉ်ခတွေ ဝန်ထမ်းတွေ စစ်သားတွေ တစ်ဝက်ကြေးတွေ မရှိတော့ပါဘူး။ ကိုနန္ဒကတော့ ကျိုင်းတုံ-ရန်ကုန် ရော ကျိုင်းတုံ-မန္တလေးရောစီးခဲ့ရတယ်။ ကုန်လိုက်တာမှ။ လမ်းခရီးအဆင့်ဆင့်မှာ မိုးရွာလို့ ရေကြီးလို့ လုံခြုံရေးစိတ်မချရလို့ ရေကြောင်းသုံးရတဲ့ဒေသတွေဆိုလည်း မုန်တိုင်းရှိလို့ weather မ fine လို့ သင်္ဘောမထွက် လှေမကပ်လို့ ...ထပ်ခါထပ်ခါကြာ။ သင်တန်းရှိရာမြို့လည်း ရောက်ရော သင်တန်းကဖွင့်နေပြီ ဘယ်တိုင်း..က တပ်မ(xx)က ဗိုလ်ကြီးဖြေရှင်းချက်တင်ပါ သင်တန်း နောက်ကျမှရောက်ရခြင်းအကြောင်းကို..တဲ့။ တပ်တွေမှာတစ်ခါခါဖြစ်တတ်တာရှိသေး။

လူမှုဝန်ထမ်းလုပ်ဖို့ နေရာ ဧရိယာခွဲပေးလိုက်ပါလို့ခိုင်းလို့ တပ်ခွဲလိုက် ပေးလိုက်တယ်။ ဗိုလ်ကြီးက ဘယ်သူ့တပ်ခွဲမို့လို့ ဘယ်ဝါ့ တပ်ခွဲ မို့လို့ဆိုပြီး စေဒကလေးတွေကတက်သေး။ ရိပ်သာကတပည့်ကျော်များ ရော့ ဒီအဝတ်တွေလျှော် ဟိုဟာတွေကမီးပူတိုက် ဆိုပြီးပြောခဲ့ ရုံးကနေပြန်ရောက်လို့ ကြည့်လိုက်တယ် ကုတင်ပေါ်မှာ မီးပူတိုက်ပြီး ခေါက်ထားပေးတဲ့ အဝတ်တွေက အပေတွေ(လျှော်လို့ပြောခဲ့တာတွေ) နောက်ဖေးမှာလှမ်းထားတဲ့အဝတ် တွေက လျှော်ပြီးသားတွေ၊ အဲဒါတွေကို ထပ်လျှော်လိုက်ပြီဗျာ။တပည့်တွေ
ထမင်းဟင်ချက်တော့သိပ်ကောင်းကြတာ။ တပည့်တွေလစာထုပ်ပေးရင် ဘဏ်စာအုပ်ထဲထည့် သေချာစု ပေးထားပါတယ်။ အဲဒါမှဒီကောင်တွေလက်ဆုပ်လက်ကိုင်ပြစရာရှိတာ။ ဒါလည်း သူတို့သင်တန်းသွားရင်ထုတ် ကုန်ရောပဲ။ ကိုယ်တိုင်က ရည်းစားဆို မူးလို့ရှူစရာတောင်မရှိတဲ့ ဗိုလ်ကြီးတွေပါ။ ဒါကိုဆရာသတင်းလာပို့တယ် ဗိုလ်ကြီးတပ်ခွဲ တပည့်ဟိုကောင် ငပေတူး မိန်းမခိုးပြေးလာတယ်။ အဲဒါကောင်မလေးဘက်ကလာအပ်ပြီး မိသဖသားပီပီးလာတောင်းပါ သူတို့သဘောတူတယ်ဆိုတာသိရပါတယ်..တဲ့ ကဲ အဘကိုသတင်းပို့ပြီး နောက်နေ့ကျတော့ ဆရာတွေကြီးခေါ်ပြီး အဲဒီကိုချီတက်ရတယ် ကိုယ်ကလူကြီးလုပ်ပြီး မိန်းမအပ်တာ တောင်းတာ လုပ်ရသေးဗျာ။ အဲဒီလိုမျိုးပါဆိုနေ အပေါ်ကအပူပေး အောက်ကအပူကမသေးဘဲ ကျွန်တော်တို့ ပူပူပြီး မုန့်ပူတင်းကောင်းကောင်းဖြစ်လာရပါလေရောလား.......... နေလွမ်းသူ